Long Leg Miu Miu's Space

  昨日第二次見Midwife, 終於抽左三枝血和第一次聽到BB的心跳聲!  Raymond 同我都非常興奮呢!  抽血前我同midwife講每次我被抽血第一次通常都唔成功, 要俾人篤兩次.  通常係因為搵唔到條血管或者條血管太幼.  個midwife一邊聽一邊扎實我左手手擘, 彈彈我要俾篤針的地方說:  真的嗎?  那讓我試試看!  你的血管看來OK呀!  接著便篤落黎…我擰埋一邊單起一隻眼, 看見Raymond E 起棚牙…十幾秒之後個midwife Hmm左一聲 (唉…!) 說:  無乜血被抽到出來, 仲爆埋條微絲血管, 讓我們試試抽右手吧!  我對住佢苦笑說:  我都話架啦…跟住乖乖地奉上右手俾佢, 佢又重復上述步驟, 但今次佢唔到條血管!  於是她又說:  無辦法, 要抽返左手啦!  (呀……)  我呀左5秒, 剛剛被篤針的窿還在痛呢!  第二次終於成功…但兩個像被彊屍咬過的窿窿今日仍有點痛呢!

  見完Midwife, 我見天氣好便叫Raymond 帶我去mall吃KFC…好耐無去過mall同食炸雞啦!  於是我們便去了mall行.  可能因為放暑假和食Lunch關係, 個mall超多人呢!  找Parking都找了一陣.  可能我被軟禁太耐, 一去到mall便像一隻甩繩馬騮般滿長飛…見food court咁多人, 行多一陣先吃吧!  於是去左馬沙百貨買 bra, 排隊俾錢時忽然眼前一片雪花, 膝頭發軟…自己知自己事, 再不坐下便會暈低.  於是告訴Raymond, 然後發瘋般四處找凳坐.  幸好看見一個拿住一袋二袋的老外坐在更衣室外等人.  我立刻走前問他可否讓我坐下…在西方社會通常都ok的…在香港就難講了.   之後Raymond去超市部買Juice我飲, 他走開其間我不停手震霧冷汗…一名叫Hilary的服務員見狀上前問我是否不舒服, 問我需不需要水, 之後安排我坐在一個比較陰涼的地方 (女性內衣部的更衣室), Raymond也被邀請內進呢…Yahoo!  Hilary 仲話坐多久也沒所謂, 還通知了其他服務員.  由於我仲未俾錢…於是問Raymond介不介意…hehe  點知佢話:  車!  有乜問題?  就算幫妳買衛生巾都冇問題啦!  說完便拿萶我的戰利品去俾錢…雖然我好鬼暈, 但個心甜到呢!  坐了幾個字情況還是不太好, Hilary問我需不需要叫白車, 還是想回家.  終於Hilary叫 Raymond去拿車泊在門口, 佢就找人拿張輪椅推我出去.  That’s what I call customer service!  真係無得頂!  有機會真的要回去謝謝她!  一場大鬧馬沙百貨女性內衣部的事件終於告一段落!  上車後, 忽然想起我還未吃KFC呢! 

不經不覺在英國的布里斯托(Bristol) 已生活一年多了。  回想剛剛到步時真的有點徬徨，面對一個陌生的地方，沒家人，沒朋友，沒車子，沒有銀行戶口，在酒店兩個多星期不停地看報紙找房子等Agent電話，差不多每天也吃著Sainsbury’s買的叮叮食物等…真的有點兒佩服老公和自己。  那段時間我倆都消瘦了不少…不過我們還是十分感恩，因為雖然那段時間辛苦但每當我們無助時總有貴人申出援手。主的恩典真的每天夠我們用，不多也不少，剛剛好!

今日, 一切也差不多安定下來了。Raymond 的工作十分順利，只是越來越忙。近日每晚回家後還要工作。又要做家務又要照顧我這個非常大肚婆…每晚差不多凌晨兩三點才休息，幾小時後又要起床上班， 出門口前還要為我弄好早餐放在床頭…作為太太的我一切都看在眼裏，既感動又心疼。只有默默為他禱告，希望上帝能賜他有健康的身體不要病倒，也為自己禱告，希望我的Morning Sickness 可以快點過去，好讓我能快些回復正常，有能力照顧自己，讓他不用那麼操勞…  老公你是最好的，你知道嗎?

講開又講，人懷孕我懷孕，點解我咁辛苦的呢?  我的Morning Sickness自從由布拉格旅行回來便開始了 (好彩不在旅行中…)。  至今我已輕了十一磅…真的有點兒擔心呢!  有時覺得自己好矛盾，嘔到七彩甚麼也吃不下時就希望唔好再嘔。  但當狀態好時沒有嘔，又擔心做乜唔嘔?  現在最期望去照超聲波，看看BB是BB仔定係BB女…真希望時間快D到! (再續)